Vatnsendaskóli fékk nokkra furðufiska að gjöf frá velviljuðum sjómönnum og í gær voru fiskarnir til sýnis í skólanum. Þeim var komið fyrir í náttúrufræðistofunni þar sem nemendur komu með kennurum sínum að skoða fiskana. Nemendurnir voru áhugasamir og fannst gaman að sjá þessi furðulegu sjávardýr. Mörgum fannst lyktin vond en aðrir kipptu sér ekki upp við hana.  

Smellið hér til þess að sjá fleiri myndir

Þriðjudaginn 17. apríl var Kópavogsmótið í skólaskák haldið í Salaskóla og tefldu 22 nemendur fyrir hönd Vatnsendaskóla á mótinu. Allir þátttakendur voru sjálfum sér og Vatnsendaskóla til sóma og lögðu sig fram við taflmennskuna.

Pétur Steinn Atlason nemandi í 4. Baldursbrá varð í 1. sæti í aldursflokknum 1.-4. bekkur og Kristófer Orri Guðmundsson í 9. Krækilyngi varð í 3. sæti á unglingastiginu. Þetta er frábær árangur hjá þessum ungu skákmönnum og óskum við þeim hjartanlega til hamingju.

Ágætu foreldrar

Nú er farið að vora og margir nemendur okkar farnir að koma gangandi eða hjólandi í skólann og fögnum við því.

Við viljum minna á að það er skylda að nemendur séu með hjólahjálma og teljum við mikilvægt að við hjálpumst að við að minna börnin á það. Einnig viljum við minna á að nemendur bera ábyrgð á hjólum sínum og því er afar mikilvægt að þeir geymi þau í hjólagrind og muni að læsa þeim.

Öryggisnefnd skólans tók þá ákvörðun síðastliðið haust að ekki væri hægt að nemendur kæmu inn í skólann með hlaupahjólin sín.  Sú ákvörðun var tekin í kjölfar þess að við útgöngudyr skólans var orðið hættuástand vegna fjölda hlaupahjóla sem lágu þar. Það gildir því það sama um hlaupahjólin og reiðhjólin að það verður að geyma þau úti og læsa þeim á viðeigandi stöðum.

Bestu kveðjur,
stjórnendur Vatnsendaskóla

Þá er síðustu skólavikunni fyrir páska senn að ljúka. Kennsla hefst aftur samkvæmt stundatöflu þriðjudaginn 10. apríl.

Líkt og undanfarin ár voru voru þeir nemendur unglingadeildar sem enn hafa einkunnina 10 fyrir ástundun verðlaunanir með páskaeggjum í dag.