Í foreldrakönnun sem gerð var í maí 2010 varðandi þjónustu í Dægradvöl kom fram að erfitt væri að ná símasambandi við Dægradvöl. Í kjölfarið var ákveðið að forstöðumaður Dægradvalar yrði með GSM síma á sér á opnunartíma Dagradvalarinnar, þ.e. frá kl. 13:20 til 17:00. Hið nýja símanúmer er 690-8706 og biðjum við foreldra barna í Dægradvöl um að beina símtölum sínum beint í nýja númerið í stað þess að hringja í skiptiborð skólans.
Síðastliðinn mánudag fundaði foreldrafélag Vatnsendaskóla í fyrsta skiptið á nýju skólári þar sem drög voru lögð að starfi vetrarins og nýr fulltrúi í skólaráð kjörinn. Foreldrafélagið er samstarfsvettvangur foreldra og markmið þess er að efla og tryggja gott samstarf heimila og skólans, vinna að velferð nemenda, koma á framfæri sjónarmiðum foreldra um skóla- og uppeldismál og standa vörð um réttindi barna til mennta og aukins þroska. Netfang foreldrafélagsins er
Stjórn foreldrafélags Vatnsendaskóla veturinn 2010-2011:
Anna Lilja Þórisdóttir, formaður Sigfríður Gunnlaugsdóttir, gjaldkeri Styrkár Hendriksson, ritari Margrét H. Þórarinsdóttir, meðstjórnandi Sólveig Hrönn Sigurðardóttir, meðstjórnandi
Kæru foreldrar og forráðamenn nemenda í Vatnsendaskóla.
Það er okkur sönn ánægja að bjóða nemendum í Vatnsendaskóla áfram upp á skólamáltíðir. Afgreiðsla skólamáltíða hefst þriðjudaginn 24. ágúst og verð fyrir hverja máltíð í áskrift er 320 kr. Skráning fer fram á www.skolamatur.is Fyrsta áskriftartímabilið er frá skólabyrjun til og með 1. október. Eftir það er áskriftartímabilið frá 4. hvers mánaðar til 3. næsta mánaðar. Ekki er hægt vera í áskrift í minna en einn mánuð í senn. Ef segja á áskrift upp þarf að gera það fyrir 27. dag hvers mánaðar. Sem dæmi þarf að segja upp mataráskrift í október fyrir 27. september. Ef áskrift er ekki sagt upp fyrir þann tíma er litið svo á að hún haldi áfram næsta tímabil á eftir.
Bæjarráð Kópavogsbæjar hafnaði á fundi sínum þann 22. júlí 2010 ósk Vatnsendaskóla um áframhaldandi skólaakstur úr Þingahverfi skólaárið 2010-2011 á þeim forsendum að gönguleiðir og lýsing í hverfinu hafi verið bætt.
Á nýliðnu skólaári 2009-2010 hóf sjálfsmatsteymi skólans að leggja fyrir rafrænar kannanir meðal starfsfólks og foreldra skólans. Niðurstöðurnar eru nú aðgengilegar í pdf skjölum undir tenglinum Sjálfsmat - Kannanir 2009-2010 á heimasíðu skólans.
Niðurstöðurnar eru á margan hátt mjög ánægjulegar fyrir skólann. Sem dæmi má nefna að 93% foreldra í 1.-4. bekk geta mælt með skólanum við aðra foreldra, sjá meðfylgjandi mynd. Í þessum bekkjum voru 175 börn eða 49% af heildarfjölda nemenda. Niðurstöðurnar eru á margan hátt einkennandi fyrir þær spurningar sem lagðar voru fyrir í öllum bekkjum skólans.
Þó að margt bendi til umtalsverðrar ánægju meðal foreldra eru vísbendingar um þætti í skólastarfinu sem betur mega fara. Þar af leiðandi verður tíminn fram að næsta skólaári 2010-2011 notaður til að gera úrbótaáætlun á þeim sviðum sem unnið verður eftir í framtíðinni.
Með þakklæti fyrir gott samstarf á liðnu skólaári og ósk um gleðilegt sumar, starfsfólk Vatnsendaskóla.
Sumt efni á vefnum er vistað á PDF formi og þarf því Acrobat Reader til þess að lesa það. Smelltu á táknið hér að neðan til að sækja Acrobat Reader ókeypis frá framleiðanda.
