Miðvikudaginn 22. febrúar ætlum við í Vatnsendaskóla að halda öskudaginn hátíðlegan. Þennan dag mega börnin koma grímuklædd í skólann og kennslufyrirkomulag verður með breyttu sniði eins og sjá má á eftirfarandi töflu:

Foreldrar og forráðamenn barna við skólann eru hvattir til þess að koma og fylgjast með skemmtun barna sinna.

Síðustu daga hafa verið óvenju mikil forföll meðal starfsmanna. Aldrei hafa þó eins margir verið frá vinnu eins og í dag þar sem 19 starfsmenn vantar í skólann. Við biðjum foreldra og nemendur að sýna skertri þjónustu skilning meðan þetta ástand varir.

Sælir foreldrar barna í Vatnsendaskóla!

Við í stjórn foreldrafélagsins erum alltaf að láta okkur detta hitt og þetta í hug og langar til að deila einni hugmynd með ykkur.

Okkur langar til að  við búum til okkar eigin öskudagsstemningu í Vatnsendahverfinu á öskudaginn. 

Það getum við gert með því að bjóða börn velkomin heim til okkar á milli klukkan 18:00 og 20:00.

Við gefum til kynna að börnin eru velkomin með því að hafa kerti kveikt fyrir utan húsið eða stigaganginn. 

Einnig má setja miða við dyrabjölluna. Síðan koma krakkarnir og banka upp á og syngja fyrir okkur og við gefum þeim góðgæti í staðinn.

Ef margir taka þátt í þessu verður þetta skemmtilegt fyrir alla bæði börn og fullorðna. 

Þó að nágrannar ykkar séu ekki með börn í skólanum, gæti þeim samt fundist gaman að taka þátt. Látið því endilega alla í kringum ykkur vita af þessu! 

Hvað fáum við út úr þessu?

• Skemmtilegra hverfi þar sem fólk stendur saman um að skapa hefðir
• Börnin okkar þurfa ekki að fara í Smáralind
• Foreldrar og nágrannar fá að taka þátt
• Foreldrar þurfa ekki að keyra börnin á milli fyrirtækja
• Börnin eru örugg og eiga skemmtilegan dag í nærumhverfinu

Vonandi líst ykkur vel á.

Bestu kveðjur,

fyrir hönd stjórnar Foreldrafélags Vatnsendaskóla,

Ágústa og Anna Lilja.