Sími 441-4000

Fréttir

Stelpur og tækni

Fimmtudaginn 28. apríl , fóru flestar stelpurnar í 9. bekk á „stelpur og tækni 2016“ daginn í HR. Salka Sól setti daginn og svo fóru stelpurnar í vinnustofu í stærðfræði. Aldrei að vita nema einhvers staðar í hópnum leynist framtíðar fræðingar á sviði tækni. Svo var farið í fyrirtækið Advania þar sem að stelpurnar fengu kynningu á starfsemi og húsnæði fyrirtækisins ásamt því að hitta aðrar konur sem gegna ýmsum fjölbreyttum störfum í fyrirtækinu. Að þessu loknu voru stelpurnar beðnar um að koma með sínar skoðanir varðandi hvað væri gott og hvað mætti bæta á vefsíðu Advania. Ástæðan fyrir þessu var sú að það á að fara að taka í gegn vefsíðuna og sú sem var að stjórna þessu vildi fá hugmyndir og endurgjöf frá stelpunum varðandi þetta. Að sjálfsögðu létu þær í sér heyra og það var mjög gaman að fylgjast með því hvað þær voru duglegar að koma með athugasemdir um hvað væri að virka og hvað ekki. Þetta var því mjög skemmtilegur dagur fyrir stelpurnar.



Þetta vefsvæði byggir á Eplica